us ne dariyaa ko lagaa kar Thokar — Anjum Ludhianvi

khushbuein phuuT ke roi hongi
gul havaaon mein jo bikhraa hogaa

dhuup nikli hai baarishon ke baad
vo abhi ro ke muskuraae hain

dosti bandagi vafaa-o-khulus
ham ye shama jalaanaa bhuul gae

niind kyuun TuuT gai aakhir-e-shab
kaun mere liye taDpaa hogaa

khud-kushi karne mein bhi naakaam rah jaate hain ham
kaun amrit ghol detaa hai hamaare zahr mein

subh kaa khvaab umr bhar dekhaa
aur phir niind aa gai 'anjum'

kam-umri mein sunet hain
mar jaate hain achchhe log

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

umr hi teri guzar jaaegi un ke hal mein
teraa bachcha jo savaalaat liye baiThaa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

zindagi tu bhi hamein vaise hi ik roz guzaar
jis tarah ham tujhe barson se guzaare hue hain