phir apni is prem-kahaani par aayaa decline — Badr Muneer

muskuraa kar agar vo dekhe to
aaine par nishaan paD jaae

kunj-e-hairat se chale dasht-e-ziyaan tak laae
kaun laa saktaa hai ham dil ko jahaan tak laae

kyaa khabar kaun saa rasta tiri jaanib nikle
be-iraada bhi kai baar safar karte hain

be-chehra insaanon ki is basti mein
achchhaa hai aaine toD diye jaaein

uqaabi ruuh jab bedaar hoti hai zanaani mein
amaan shauhar ko phir milti nahin is daar-e-faani mein

laD rahaa huun main akelaa kaar-zaar-e-hast mein
kar faraaham tu bhi zaalim apne hone kaa javaaz

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

sabhi se jab mohabbat chaahte ho
mohabbat kyon nahin karte sabhi se

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai