hai mohabbat isi liye to abhi — Haider Allahabadi

itni jaldi nahin bichhaDnaa thaa
jitni jaldi bichhaD gai ho tum

apne bistar pe dam na toD dein ham
teri baaton ko yaad kar kar ke

us ne kaisaa ye kaam kar Daalaa
meraa jiinaa haraam kar Daalaa

teraa chehra to dekh rakkhaa hai
had hai teri jabin nahin dekhi

kyon miraa intizaar karte ho
kis liye mujh se pyaar karte ho

chhat pe aai ho aaj barson baad
dekh kar chaand Dar na jaae kahin

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

mohabbat ne 'maail' kiyaa har kisi ko
kisi par kisi ko kisi par kisi ko

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

lailaa chali thi haj ke liye jazb-e-ishq se
naaqa machal ke najd ki manzil mein rah gayaa