in charaaghon mein tel hi kam thaa — Javed Akhtar

main paa sakaa na kabhi is khalish se chhuTkaaraa
vo mujh se jiit bhi saktaa thaa jaane kyuun haaraa

main bachpan mein khilaune toDtaa thaa
mire anjaam ki vo ibtidaa thi

ghairon ko kab fursat hai dukh dene ki
jab hotaa hai koi hamdam hotaa hai

koi shikva na gham na koi yaad
baiThe baiThe bas aankh bhar aai

unchi imaaraton se makaan meraa ghir gayaa
kuchh log mere hisse kaa suraj bhi khaa gae

tab ham donon vaqt churaa kar laate the
ab milte hain jab bhi fursat hoti hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

mohabbat phuul banne par lagi thi
palaT kar phir kali kar li hai main ne

aasmaanon mein uDaa karte hain phule phule
halke logon ke baDe kaam havaa karti hai

jidhar bhi jaataa hai vo shola-e-bahaar-sarisht
duaaein detaa hai amboh-e-kushtgaan us ko