tu mere dard se aagaah yuun na hovegaa — Mushafi Ghulam Hamdani

ham bhi ai jaan-e-man itne to nahin naakaara
kabhi kuchh kaam tu ham ko bhi to farmaayaa kar

jitnaa ki ye duniyaa mein hamein khvaar rakhe hai
itne to gunahgaar zamaane ke nahin ham

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

lailaa chali thi haj ke liye jazb-e-ishq se
naaqa machal ke najd ki manzil mein rah gayaa

apni to is chaman mein nit umr yunhi guzri
yaan aashiyaan banaayaa vaan aashiyaan banaayaa

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

bas ai 'mir' mizhgaan se ponchh aansuon ko
tu kab tak ye moti pirotaa rahegaa

rag-e-har-saaz ye kahti hai ki ai naghma-taraaz
mujh ko ik saltanat-e-saut-o-sadaa chaahiye thi

kuchh to tanhaai ki raaton mein sahaaraa hotaa
tum na hote na sahi zikr tumhaaraa hotaa