shauq kitne fareb detaa hai — Nisar Itavi

ye dil vaalon se puchho is ko dil vaale samajhte hain
bigaaD aai havaa zulfein kisi ki yaa sanvaar aai

kitne pur-haul andheron se guzar kar ai dost
ham tire husn ki rakhshanda sahar tak pahunche

yaqinan rahbar-e-manzil kahin par raastaa bhulaa
vagarna qaafile ke qaafile gum ho nahin sakte

aa dost saath aa dar-e-maazi se maang laaein
vo apni zindagi ki javaan bhi hasin bhi thi

dil mein kyaa kyaa gumaan guzarte hain
muskuraao na baat se pahle

subh bichhaD kar shaam kaa vaada shaam kaa honaa sahal nahin
un ki tamannaa phir kar lenaa subh ko pahle shaam karo

kuchh to majburiyaan rahi hongi
yuun koi bevafaa nahin hotaa

ek parda saa hai fareb-e-nazar
ye bhi uTThe to dekhnaa kyaa hai

is qadar musalsal thiin shiddatein judaai ki
aaj pahli baar us se main ne bevafaai ki

zaahid tiraa to diin saraasar fareb hai
rishte se tere subha ke zunnaar hi bhalaa

sab se baDaa fareb hai khud zindagi 'adaa'
is hila-ju ke saath hain ham bhi bahaana-saaz

kisi kaa yuun to huaa kaun umr bhar phir bhi
ye husn o ishq to dhokaa hai sab magar phir bhi