bimaar ko maraz ki davaa deni chaahiye — Rahat Indori

main aa kar dushmanon mein bas gayaa huun
yahaan hamdard hain do-chaar mere

us ki yaad aai hai saanso zaraa aahista chalo
dhaDkanon se bhi ibaadat mein khalal paDtaa hai

dosti jab kisi se ki jaae
dushmanon ki bhi raae li jaae

chaand suraj miri chaukhaT pe kai sadiyon se
roz likkhe hue chehre pe savaal aate hain

main mar jaaun to meri ek alag pahchaan likh denaa
lahu se meri peshaani pe hindustaan likh denaa

botalein khol kar to pi barson
aaj dil khol kar bhi pi jaae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi