main shajar dekh ke Dar jaataa huun — Rakesh Toofan

lauTaa jab chaand bhi suraj bhi khasaaraa kar ke
ham ne chamkaa diyaa aangan ko sitaaraa kar ke

jahaan pe jhuuT hai nafrat hai be-imaani hai
vahin pe zindagi-bhar zindagi bitaani hai

ajiib baat hai us raat ki sahar na hui
kai charaag jale raushni magar na hui

rasm-e-duniyaa ke bayaabaan mein bichhaDne vaale
ishq-e-aavaara tujhe DhunDh rahaa hai ab tak

zakhm chup-chaap rahegaa to rafu bolegaa
tum mujhe qatl bhi kar do to lahu bolegaa

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

is tarah kuchh badal gai hai zamin
ham ko ab khauf-e-aasmaan na rahaa

bahut thaa khauf jis kaa phir vahi qissaa nikal aayaa
mire dukh se kisi aavaaz kaa rishtaa nikal aayaa

kabhi khauf thaa tire hijr kaa kabhi aarzu ke zavaal kaa
rahaa hijr-o-vasl ke darmiyaan tujhe kho sakaa na main paa sakaa

nayaa saal divaar par Taang de
puraane baras kaa calendar giraa