lauTaa jab chaand bhi suraj bhi khasaaraa kar ke — Rakesh Toofan

jahaan pe jhuuT hai nafrat hai be-imaani hai
vahin pe zindagi-bhar zindagi bitaani hai

ajiib baat hai us raat ki sahar na hui
kai charaag jale raushni magar na hui

rasm-e-duniyaa ke bayaabaan mein bichhaDne vaale
ishq-e-aavaara tujhe DhunDh rahaa hai ab tak

zakhm chup-chaap rahegaa to rafu bolegaa
tum mujhe qatl bhi kar do to lahu bolegaa

main shajar dekh ke Dar jaataa huun
is qadar dhuup ki aadat hai mujhe

vo chaand hai to aks bhi paani mein aaegaa
kirdaar khud ubhar ke kahaani mein aaegaa

muddaton baa'd kabhi ai nazar aane vaale
iid kaa chaand na dekhaa tiri surat dekhi

ai kaash hamaari qismat mein aisi bhi koi shaam aa jaae
ik chaand falak par niklaa ho ik chaand sar-e-baam aa jaae

khaak huun lekin saraapaa nuur hai meraa vajud
is zamin par chaand suraj kaa numaainda huun main

kuchh der us ne dekh liyaa chaand ki taraf
kuchh der aaj chaand ko itraanaa chaahiye

subu mein aks-e-rukh-e-maahtaab dekhte hain
sharaab piite nahin ham sharaab dekhte hain