khvaahishon ne dil ko tasvir-e-tamannaa kar diyaa — Saba Akbarabadi

ravaan hai qaafila-e-ruh-e-iltifaat abhi
hamaari raah se haT jaae kaaenaat abhi

kaun uThaae ishq ke anjaam ki jaanib nazar
kuchh asar baaqi hain ab tak hairat-e-aaghaaz ke

musaafiraan-e-rah-e-shauq sust-e-gaam ho kyuun
qadam baDhaae hue haan qadam baDhaae hue

aap ke lab pe aur vafaa ki qasam
kyaa qasam khaai hai khudaa ki qasam

apne jalne mein kisi ko nahin karte hain sharik
raat ho jaae to ham shama bujhaa dete hain

gham-e-dauraan ko baDi chiiz samajh rakkhaa thaa
kaam jab tak na paDaa thaa gham-e-jaanaan se hamein

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

parinde dekh kar us shakhs ko par phaDphaDaate hain
jo qaid-e-dil hai zaahir mein magar aazaad lagtaa hai

dil-o-nazar ko abhi tak vo de rahe hain fareb
tasavvuraat-e-kuhan ke qadim but-khaane

pahunchi dilon ki aag hamaare khiyaam tak
lekin dhuaan to jaaegaa darbaar-e-shaam tak