vo bhi hamaare naam se begaane ho gae — Salman Akhtar

kaise ho kyaa hai haal mat puchho
mujh se mushkil savaal mat puchho

kuchh to apne liye bhi rakhnaa hai
zakhm auron ko kyuun dikhaaein sab

ham jo pahle kahin mile hote
aur hi apne silsile hote

zindagi is qadar kaThin kyuun hai
aadmi ki bhalaa khataa kyaa hai

ye alag baat ki vo mujh se khafaa rahtaa hai
main ik insaan huun aur mujh mein khudaa rahtaa hai

jhaankte raat ke garebaan se
ham ne sau aaftaab dekhe hain

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kuchh aisaa ho ki tasviron mein jal jaae tasavvur bhi
mohabbat yaad aaegi to shikve yaad aaeinge

hai mubtalaa-e-ishq-e-butaan meraa doctor
jo mujh mein virus hai vahi chaara-gar mein hai

'sarshaar' main ne ishq ke maani badal diye
is aashiqi mein pahle na thaa vasl kaa chalan

bahut ghaaTe mein hai urdu zabaan kyon
mohabbat ki zabaan hote hue bhi