mataa-e-jaan hain miri umr bhar kaa haasil hain — Shahbaz Khwaja

yuun to mumkin nahin dushman mire sar par pahunche
pahre-daaron mein koi aankh jhapak jaataa hai

safar kaa ek nayaa silsila banaanaa hai
ab aasmaan talak raasta banaanaa hai

mujhe ye zid hai kabhi chaand ko asiir karun
so ab ke jhiil mein ik daaera banaanaa hai

vo ek tu ki tire gham mein ik jahaan roe
vo ek main ki miraa koi rone vaalaa nahin

ik aisaa vaqt bhi sahraa mein aane vaalaa hai
ki raasta yahaan dariyaa banaane vaalaa hai

kisi ne dekh liyaa thaa jo saath chalte hue
pahunch gai hai kahaan jaane baat chalte hue

kam-umri mein sunet hain
mar jaate hain achchhe log

umr hi teri guzar jaaegi un ke hal mein
teraa bachcha jo savaalaat liye baiThaa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne