qaid kartaa huun hasratein dil mein — Waseem Haidar

tujh ko ho mere lams ki khvaahish shadid-tar
tujh se tamaam 'umr miraa saamnaa na ho

suntaa rahtaa huun to vo kuchh bhi kahe jaataa hai
us ko lagtaa hai ki me'yaar yahi hai apnaa

havas na puuri hui jab kahin to 'ilm huaa
tire badan kaa rahaa mujh ko aasraa baDi der

ab vo achchhaa mujhe pasand nahin
jo buraa bhi qubul hotaa thaa

mire khamir pe saari hi sarf ho gai thi
phir us ke baa'd udaasi nai banaai gai

khushbuon kaa nuzul hotaa thaa
pahle pattaa bhi phuul hotaa thaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

agar tum mil bhi jaate to na hotaa khatm afsaana
phir us ke baa'd dil mein kyaa khabar kyaa aarzu hoti

mil nahin saktaa jo main ne kho diyaa
maut kaa koi bhi mutabaadil nahin

bhalaa huaa ki na haath aayaa jaama-e-pur-zar
gazi ke kapDe badalte to ham badal jaate

dil mein na ho jurat to mohabbat nahin milti
khairaat mein itni baDi daulat nahin milti