ye ghalat-fahmiyon kaa mausam hai — Fatima Mehru

tasviron par mat jaanaa
saali jhuTi hoti hain

nahin charaagh jalaaeinge ab kisi dar par
ham aap apni mohabbat mazaar kar leinge

tire hijrat ke maare bastiyon se laD rahe hain
jinhein yaksar tire dil mein Thikaana chaahiye thaa

chhoD jaaeinge tujhe chaand ke charche sun kar
chaDhte suraj ke pujaari hain tire divaane

aur is se peshtar us ko bhulaa sakun yaksar
use main us ki tarah yaad aanaa chaahti huun

vo koh-e-qaaf kaa jaise makin ho gayaa hai
bichhaD ke aur ziyaada hasin ho gayaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

rah-e-vafaa mein luTaa kar mataa-e-qalb-o-jigar
kiyaa hai teri mohabbat kaa haq adaa main ne

us ko bhaDkaao na daaman ki havaaein de kar
shoala-e-ishq mire dil mein dabaa rahne do

miri aarzu ki taskin na karam mein ne sitam mein
miraa dil mudaam tishna tiri rah ke pech-o-kham mein

dushman-e-jaan hi sahi saath to ik umr kaa hai
dil se ab dard ki rukhsat nahin dekhi jaati