naamus-e-zindagi gham-e-insaan mein Dhaal kar — Ram Awtar Gupta Muztar

navaazaa hai mujhe patthar se jis ne
use main phuul de kar dekhtaa huun

shaam-e-avadh ne zulf mein gundhe nahin hain phuul
tere baghair subh-e-banaras udaas hai

teraa honaa na maan kar goyaa
tujh ko taslim kar rahaa huun main

dil kaa sukun rizq ke hangaame khaa gae
sukh aadmi kaa chand nivaalon ne Das liyaa

duniyaa tere naam se mujh ko pahchaane
ishq mein aisaa rusvaa kar de yaa-allaah

rah-e-qaraar ajab raah-e-be-qaraari hai
ruke hue hain musaafir safar bhi jaari hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

aisi taraqqi par to ronaa bantaa hai
jis mein dahshat-gard corona bantaa hai

aadat ke baa'd dard bhi dene lagaa mazaa
hans hans ke aah aah kiye jaa rahaa huun main