Raat Shayari

Dil dhoondta hai phir wahi fursat-e-shab-o-roz
Naaz uthana, naaz uthana, naaz uthana

justujū kho.e huoñ kī umr bhar karte rahe
chāñd ke hamrāh ham har shab safar karte rahe

dil meñ na ho jur.at to mohabbat nahīñ miltī
ḳhairāt meñ itnī baḌī daulat nahīñ miltī

na būjho āsmāñ par tum sitāre
hamārī aah kī chingāriyāñ haiñ

hijr kī rātoñ meñ lāzim hai bayān-e-zulf-e-yār
niiñd to jaatī rahī hai qissa-ḳhvānī kījiye

ye daaġh daaġh ujālā ye shab-gazīda sahar
vo intizār thā jis kā ye vo sahar to nahīñ

purāne haiñ ye sitāre falak bhī farsūda
jahāñ vo chāhiye mujh ko ki ho abhī nau-ḳhez

husn ko chāñd javānī ko kañval kahte haiñ
un kī sūrat nazar aa.e to ġhazal kahte haiñ

tū itnī dil-zada to na thī ai shab-e-firāq
aa tere rāste meñ sitāre luTā.eñ ham

yaqīn chāñd pe sūraj meñ e'tibār bhī rakh
magar nigāh meñ thoḌā sā intizār bhī rakh

raat yuuñ dil meñ tirī khoī huī yaad aa.ī
jaise vīrāne meñ chupke se bahār aa jaa.e

vo qahr thā ki raat kā patthar pighal paḌā
kyā ātishīñ gulāb khilā āsmān par

kab Thahregā dard ai dil kab raat basar hogī
sunte the vo ā.eñge sunte the sahar hogī

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā

'ġhālib' chhuTī sharāb par ab bhī kabhī kabhī
piitā huuñ roz-e-abr o shab-e-māhtāb meñ

vasl ke din shab-e-hijrāñ kī haqīqat mat pūchh
bhuul jaanī hai mujhe sub.h kuuñ phir shaam kī baat

har shai musāfir har chiiz raahī
kyā chāñd taare kyā murġh o maahī

shab vahī lekin sitāra aur hai
ab safar kā isti.āra aur hai

dil kī betābī nahīñ Thaharne detī hai mujhe
din kahīñ raat kahīñ sub.h kahīñ shaam kahīñ

bachchoñ ke chhoTe hāthoñ ko chāñd sitāre chhūne do
chaar kitābeñ paḌh kar ye bhī ham jaise ho jā.eñge

''aap kī yaad aatī rahī raat bhar''
chāñdnī dil dukhātī rahī raat bhar

havā shāḳhoñ meñ rukne aur ulajhne ko hai is lamhe
guzarte bādaloñ meñ chāñd haa.il hone vaalā hai

mirī fazā meñ hai tartīb-e-kā.enāt kuchh aur
ajab nahīñ jo tirā chāñd hai sitāra mujhe

supurd kar ke use chāñdnī ke hāthoñ meñ
maiñ apne ghar ke añdheroñ ko lauT ā.ūñgī