Sufi Shayari

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

vatan kī fikr kar nādāñ musībat aane vaalī hai
tirī barbādiyoñ ke mashvare haiñ āsmānoñ meñ

dil ajab shahr ki jis par bhī khulā dar is kā
vo musāfir ise har samt se barbād kare

umr bhar kaun nibhātā hai ta'alluq itnā
ai mirī jaan ke dushman tujhe allāh rakkhe

jo ḳhushāmad kare ḳhalq us se sadā raazī hai
sach to ye hai ki ḳhushāmad se ḳhudā raazī hai

mīr-e-arab ko aa.ī ThanDī havā jahāñ se
merā vatan vahī hai merā vatan vahī hai

yā rab hameñ to ḳhvāb meñ bhī mat dikhā.iyo
ye mahshar-e-ḳhayāl ki duniyā kaheñ jise

zarā jo ham ne unheñ aaj mehrbāñ dekhā
na ham se pūchhiye kyā rañg-e-āsmāñ dekhā

ham se khul jaao ba-vaqt-e-mai-parastī ek din
varna ham chheḌeñge rakh kar uzr-e-mastī ek din

nikal kar dair-o-ka.aba se agar miltā na but-ḳhāna
to Thukrā.e hue insāñ ḳhudā jaane kahāñ jaate

dil hī to hai siyāsat-e-darbāñ se Dar gayā
maiñ aur jā.ūñ dar se tire bin sadā kiye

ḳhudā ke haath hai biknā na biknā mai kā ai saaqī
barābar masjid-e-jāme ke ham ne ab dukāñ rakh dī

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā

vo butoñ ne Daale haiñ vasvase ki diloñ se ḳhauf-e-ḳhudā gayā
vo paḌī haiñ roz qayāmateñ ki ḳhayāl-e-roz-e-jazā gayā

gavāhī kaise TūTtī muāmla ḳhudā kā thā
mirā aur us kā rābta to haath aur duā kā thā

kahte haiñ tirī zulf kuuñ dekh ahl-e-sharī.at
qurbān hai is kufr par īmān hamārā

maiñ tujh ko batātā huuñ taqdīr-e-umam kyā hai
shamshīr-o-sināñ avval tā.ūs-o-raubāb āḳhir

kyā vo namrūd kī ḳhudā.ī thī
bandagī meñ mirā bhalā na huā

ḳhudā ko maan ki tujh lab ke chūmne ke sivā
koī ilaaj nahīñ aaj kī udāsī kā

khulegā kis tarah mazmūñ mire maktūb kā yā rab
qasam khaa.ī hai us kāfir ne kāġhaz ke jalāne kī

vaqt hai ab namāz-e-maġhrib kā
chāñd ruḳh lab shafaq hai gesū shaam

ābād kareñ bāda-kash allāh kā ghar aaj
din jum.a kā hai band hai mai-ḳhāne kā dar aaj

ab jafā se bhī haiñ mahrūm ham allāh allāh
is qadar dushman-e-arbāb-e-vafā ho jaanā

ḳhudā ābād rakkhe mai-kade ko
bahut saste chhuTe duniyā-o-dīñ se