itne mein aur charkh ne miTTi palid ki — Unknown

mehndi mire lahu ki mubaarak ho aap ko
rang-e-hinaa hai is mein aur bu-e-vafaa bhi hai

ye bhi to ik dalil hai us ke vajud ki
jab tak na maaniye use dil maantaa nahin

zaahid sharaab piine de masjid mein baiTh kar
yaa vo jagah bataa de jahaan par khudaa na ho

na khudaa hi milaa na visaal-e-sanam na idhar ke hue na udhar ke hue
rahe dil mein hamaare ye ranj-o-alam na idhar ke hue na udhar ke hue

kabhi teraa dar kabhi dar-ba-dar kabhi 'arsh par kabhi farsh par
gham-e-'aashiqi tiraa shukriya main kahaan kahaan se guzar gayaa

mahfil mein chaar chaand lagaane ke baavajud
jab tak na aap aae ujaalaa na ho sakaa

main baDaa ho gayaa huun magar bachpanaa
mere dil se kabhi bhi gayaa hi nahin

raasta rok liyaa meraa kisi bachche ne
is mein koi to 'asar' meri bhalaai hogi

ham tire shauq mein yuun khud ko ganvaa baiThe hain
jaise bachche kisi tyauhaar mein gum ho jaaein

us par hi bhejtaa hai vo aafat bhi maut bhi
shaayad use gharib kaa bachcha hai naa-pasand

faqat maal-o-zar-e-divaar-o-dar achchhaa nahin lagtaa
jahaan bachche nahin hote vo ghar achchhaa nahin lagtaa

kaise use pata ho ki mamtaa 'azim hai
ham jaisaa kam-sini se jo bachcha yatim hai