adhuri vafaaon se ummid rakhnaa — Ameeta Parsuram Meeta

tujhi se guftugu har dam tiri hi justuju har dam
miri aasaaniyaan tujh se miri mushkil hai tu hi tu

par katar paai jab na khvaabon ke
band hi kar diin khiDkiyaan main ne

manzil apni DhunD rahe ho
rasta duuje kaa chalte ho

dafnaa diyaa thaa jin ko gunje hain har taraf ab
meri khamoshiyon ko aavaaz mil gai hai

chaahti thi ki log kam hi milein
so andheron mein hi qayaam kiyaa

kaaba-o-dair mein ab DhunD rahi hai duniyaa
jo dil-o-jaan mein bastaa thaa khudaa aur hi thaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ai dil na kar qubul mire dil na kar qubul
manzil shikast-e-shauq hai manzil na kar qubul

khaar-e-hasrat bayaan se niklaa
dil kaa kaanTaa zabaan se niklaa

kyuun tire dard ko dein tohmat-e-viraani-e-dil
zalzalon mein to bhare shahr ujaD jaate hain

yaa ilaahi is dil-e-betaab ki taamir mein
kis ne patthar rakh diyaa thaa ishq ki buniyaad kaa