mar mar ke agar shaam to ro ro ke sahar ki — Natiq Lakhnavi

miri jaanib se un ke dil mein kis shikve pe kiina hai
vo shikva jo zabaan par kyaa abhi dil mein nahin aayaa

sadqe tire hote hain suraj bhi sitaare bhi
ham kis se kahein dil hai siine mein hamaare bhi

ibtidaa se aaj tak 'naatiq' ki ye hai sarguzisht
pahle chup thaa phir huaa divaana ab behosh hai

dil hai kis kaa jis mein armaan aap kaa rahtaa nahin
farq itnaa hai ki sab kahte hain main kahtaa nahin

aazaadiyon kaa haq na adaa ham se ho sakaa
anjaam ye huaa ki giraftaar ho gae

dil rahe yaa na rahe zakhm bhare yaa na bhare
chaarasaazon ki khushaamad mujhe manzur nahin

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr hi teri guzar jaaegi un ke hal mein
teraa bachcha jo savaalaat liye baiThaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

bas ek pal ki tamannaa-e-vasl ki khaatir
tamaam 'umr lagaa di gai sanvarne mein